Deputeti i Partisë Demokratike, Dashnor Sula ka publikuar ditën e sotme pamjet kur një i ri që merrte pjesë në protestë tërhiqet me forcë nga policia. I riu dëgjohet tek bërtet dhe pyet policët se çfarë ka bërë, ndërkohë që edhe qytetarët i afrohen.
“Dënoj me ashpërsinë më të madhe dhunën e policisë ndaj qytetarëve të lirë që për të tretën ditë rresht protestojnë paqësisht. Shikoni sesi punonjësit e policisë të cilët kanë për detyrë të ofrojnë siguri tek qytetarët, dhunojnë ne mënyrë çnjerëzore një shpirt te ri te lire e te pafajshem.
Unë isha sërish sot në protestë si shumica e qytetarëve dhe në asnjë moment nuk pati dhunë nga protestuesit.
U bëj thirrje të gjithë shqiptarëve që nesër te dalin në protestë për të drejtat e tyre!”, deklaron Sula.
Nga ana tjetër, është dëgjuar edhe qytetari i cili thotë se është i pafajshëm.
“Policia të lutem, çfarë ju kam bërë, nuk kam bërë asgjë”, dëgjohet të thotë qytetari që u tërhoq zvarrë nga personat civilë.
Discussion about this post