Blutë e Shkodrës kanë reaguar pas një videoje të publikuar në rrjetet sociale, ku një shtetas duket duke qëlluar me armë zjarri në ajër, në një varkë në liqenin e Fierzës.
Sipas policisë së Shkodrës, pamjet filmike që janë bërë virale janë të dy viteve më parë. Më tej, policia bën me dije që po punon për zbardhjen e ngjarjes që daton dy dite më parë dhe për kapjen e autorit.
“Në lidhje me një video të publikuar në rrjete sociale, në të cilën shfaqet një shtetas duke qëlluar me armë zjarri në ajër, në një varkë që lundron në liqenin e Fierzës në drejtim të liqenit të Komanit, ju sqarojmë se:Strukturat hetimore të DVP Shkodër, pas publikimit të videos, menjëherë kanë nisur verifikimet dhe nga hetimet paraprake të kryera, ka rezultuar se kjo video është realizuar dy vite më parë.
Pavarësisht kohës së realizimit të videos, strukturat hetimore të DVP Shkodër, në bashkëpunim me DVP Kukës, kanë nisur hetimet për identifikimin dhe kapjen e autorit që ka qëlluar me armë zjarri në ajër.”-njofton policia.
Discussion about this post