Emigrimi i të rinjve në vendet e BE dhe në Mbretërinë e Bashkuar tashmë është kthyer në një fenomen që ka tërhequr vëmendjen e mbarë mediave botërore, institucioneve apo televizione të ndryshme. Kjo është dhe historia e një të riu shqiptar, i cili është arrestuar në Madrit, Spanjë pa vulë Shengen dhe pritet të deportohet drejt vendit nga ku iku.
Lexo edhe: Ujësjellësi jashtë funksionit, ja situata nga përmbytjet në Shkodër
Ai dërgohet në rajonin e Policisë ku dhe merret në pyetje nga efektivët e Policisë dhe të emigracionit. Me pranga në duar dhe me lot në sy ai mbase mund të jetë shembulli i asaj që kalojnë të rinjtë shqiptarë që ikin jashtë.
Historia e tij u shfaq në ciklin e dokumentareve “To catch a smuggler” të National Geographic. Atij i bëhet e ditur nga agjentja e emigracionit se duhet të kthehet në Shqipëri pasi nuk ka arsye që të qëndrojë apo të kërkojë azil. Ai shprehet i trishtuar dhe refuzon të kthehet duke treguar se në Shqipëri vriten njerëz çdo ditë dhe nuk do që të kthehet. Një pjesë nga dokumentari është shpërndarë në Facebook nga gazetarja Erjona Rusi.
Pjesë nga biseda:
Agjentja e emigracionit: Do të deportohesh në Shqipëri
Djali: Po nëse nuk dua të kthehem
Agjentja e emigracionit: Deportimi në Shqipëri duhet të bëhet.
Djali: Nuk dua të kthehem, atje vriten njerëz çdo ditë. Nuk dua të vdes në Shqipëri. Nuk është vend i sigurt. Është e vërtetë, shiko në TV aty vriten njerëz çdo ditë. Çdo ditë vriten njerëz, çdo ditë. Jam i gatshëm të bëj gjithçka që të mos kthehem në Shqipëri.
Discussion about this post