Një frekuentues i rregullt i Kishës së Shën Stefanit në Sneiton, Nottinghamshire është sulmuar me thikë nga një 20-vjeçar duke regjistruar kështu një ngjarje të rëndë për rastin e Pashkëve. Ngjarja ndodhi një ditë më parë rreth orës 10:50. I riu u gjet i shtrirë në tokë përballë kishës, me plagë në bark.
Sulmuesi, një anëtar i kongregacionit që kishte marrë pjesë dy ose tre herë më pare është vënë në pranga.
Lynda Blakely, kuratore e St Stephen’s tha për The Telegraph: Gjithçka që mund të them është se mendimet dhe lutjet tona janë me të gjithë të prekur nga kjo situatë shumë e vështirë!
Një tjetër burim i kishës tha: Natyrisht Kisha dhe të gjithë atje janë shumë të mërzitur.
Një i tretë shtoi: Mendimet dhe lutjet tona janë me të gjithë të përfshirët. Kishat nuk duan që kjo të ndodhë në asnjë moment, aq më pak të dielën e Pashkëve.”
Policia e Nottinghamshire tha se ata aktualisht nuk besojnë se sulmi ishte një i nxitur nga ndonjë urrejtje fetare, por që po vijojnë të marrin në pyetje dëshmitarë.
“Ka nisur një hetim për të përcaktuar se çfarë ka ndodhur dhe, pavarësisht pranisë së madhe të policisë në zonë, do të doja të siguroja publikun se nuk ka asnjë kërcënim më të gjerë për komunitetin,”- u tha në deklaratë.
Discussion about this post