Policia e Tiranë ka arrestuar një 35-vjeçar, i cili kishte thyer masën e sigurisë “Arrest në shtëpi”, teksa është kapur me kanabis me vete, ndërkohë që dhe drejtonte automjetin pa leje drejtimi.
Shërbimet e Policisë Rrugore Tiranë, gjatë kontrolleve parandaluese në terren, kanë konstatuar një automjet me xhama të zinj dhe i kanë bërë shenjë ndalimi drejtuesit të tij, me qëllim kryerjen e verifikimeve.
Nga verifikimet rezultoi se ky shtetas nuk ishte i pajisur me leje drejtimi, ndërsa gjatë kontrollit fizik i është gjetur një sasi lënde narkotike kanabis sativa, e cila u sekuestrua në cilësinë e provës materiale. Nga verifikimet e kryera më tej, rezultoi se ky shtetas kishte thyer masën e sigurisë “Arrest në shtëpi”, që i kishte caktuar Gjykata, për veprën penale “Vjedhja”.
Materialet procedurale i kaluan Prokurorisë së Tiranës për veprime të mëtejshme.
Discussion about this post