Policia ka reaguar me njoftim zyrtar për incidentin e ndodhur ditën e djeshme ku një i riu refuzoi urdhrin e policisë për kontroll, duke u përplasur me këta të fundit.
Sipas njoftimit, ngjarja ndodhi në sheshin “Fitorja”, ku policia i ka kërkuar dokumentacionin e automjetit tip “Benz”, shoferit A. C., 21 vjeç, banues në Dërmënas, Fier, i cili i ka kundërshtuar dhe nuk i është bindur urdhrit të punonjësve, duke përfunduar në komisariat.
“Në lidhje me një video të publikuar në një faqe në rrjetet sociale, ku thuhet se disa shtetas të rinj përplasen me Policinë në Fier, ju informojmë se: Në datë 02.05.2022, rreth orës 19:45, në sheshin “Fitorja”, Patrulla e Përgjithshme i ka kërkuar dokumentacionin e automjetit tip “Benz”, shtetasit A. C., 21 vjeç, banues në Dërmënas, Fier, i cili i ka kundërshtuar dhe nuk i është bindur urdhërit të punonjësve të Policisë. Shërbimet e Policisë kanë shoqëruar në Komisariatin e Policisë Fier shtetasin A. C. dhe në përfundim të veprimeve, 21-vjeçari është proceduar penalisht për veprën penale “Mosbindja ndaj urdhërit të punonjësit të Policisë së rendit publik”, njofton policia.
Discussion about this post