Konkurenti i “Big Brother VIP Kosova”, Gani Gërmia ditën e sotme është larguar me dëshirë nga shtëpia, duke hequr dorë përfundmisht nga gara për të fituar çmimin e madh prej 200 mijë eurosh.
Pas një bisede me “Vëllain e Madh”, Ganiu ra dakord që të qëndrojë 24 orë pra një ditë i vetëm në ‘dhomën e sekreteve’ pa praninë e banorëve të tjerë. Dhe pas 24 orëve që do i kalojë i vetëm ai do të komunikojë për publikun vendimin përfundimtarë mbi qëndrimin e tij në shtëpinë e “BBVK”.
I revoltuar nga videoja e cila sipas tij produksioni e ka publikuar për ti prishur imazhin, Ganiu ditën e sotme kërkoi për herë të dytë daljen nga BBVK, duke bërë që ai të linte shtëpinë.
Konkurenti i kërkoi falje publikut të cilët e kanë mbështetur atë gjatë gjithë këtyre ditëve qëndrimi në shtëpi.
“Të paktën për hirë që kam qenë banor i kësaj shtëpie, respektoni vendimin tim. Sa i përket këtij vendimi, ka përfunduar gjithçka. Faleminderit publikut që më ka përkrahur. Jam shumë i zhgënjyer prej kësaj. Secili nga nesh ka bërë ndryshime, ka bërë luhatje të tilla. Jam shumë i zhgënjyer. Jam falënderues për gjithçka që keni bërë, sidomos te pjesa e publikut”– i tha Gania.
Discussion about this post