I shkon ftesa live në emision/ Gjekmarkaj tregon nëse do të marrë apo jo pjesë në Kuvend

Tashmë është bërë e ditur se një pjesë e deputetëve të PD, të cilët përkrahin Alibeajn, nuk do të marrin pjesë nesër në Kuvendin e thirrur nga Berisha, edhe pse ftesa iu ka shkuar. Ndërkohë, ditën e sotme deputeti  Agron Gjekmarkaj ka marrë një mesazh në telefon teksa ishte live në emision për të marrë pjesë në Kuvendin Kombëtar të nesërm të PD-së

Gjatë intervistës Gjekmarkaj tha se mbërriti një mesazh nga Komisioni i Rithemelimit, por shtoi se edhe pse ftesa iu bë, nuk do të shkojë në Kuvend Sipas tij, e vlerëson ftesën, por sërish nuk i ndryshon mendimi. “Emisioni juaj bëri efekt. Sapo më erdhi një ftesë nga Komisioni i Rithemelimit në whatsapp, ku ftohem të tërheq mandatin në recepsion për Kongresin. Ftesa nuk ma ndryshon qëndrimin”,  u shpreh Gjekmarkaj. Sakaq, kujtojmë se edhe disa deputetë të tjerë kanë pranuar hapur se nuk do të shkojnë, përfshirë këtu Tabakun, Pampurin, Xhaferrajn e të tjerë.