Sekretari i Përgjithshëm i Këshillit të Ministrave, Ëngjëll Agaçi, ka nisur dhënien e dëshmisë në Komisioni Hetimor të Inceneratorëve. Në nisjes të dëshmisë së tij, ai u pyet nga kryetarja e Komisionit Hetimor, Jorida Tabaku, se cili është akti i miratuar në Këshillin e Ministrave për financimin paraprak të projektit për ndërtimin e inceneratorit të Elbasanit. Në përgjigjen e tij, Agaçi u shpreh se ai vetë në pozicion që mban, nuk ka asnjë kompetencë në ligjin për koncesionet dhe PPP-të dhe Këshilli I Ministrave ka vendosur me unanimitet të plotë procedurën e autoritetit kontraktues të miratuar me procedurë të rregullt nga ministria e Financave.
Pjesë nga diskutimet:
Ëngjëll Agaçi: Ka pasur disha shkëmbime nga autoriteti kontraktues dhe Ministrisë së Financave që tregon rigorozitetin e Ministrisë së financave.
Ministria e Financave i dha miratimin paraprak dhe në këto kushte Këshilli i Ministrave ka detyrimin ligjor që detyron Këshillin e Ministrave për ta miratuar. Më lejoni ta saktësojë, ligji i vitit 2013 parashikon në nenin 41 pika 2 një angazhim detyrues miratohet me vendim të Këshillit të Ministrave me kërkesën e autoritetit kontraktues. Është miratuar me një procedurë të rregullt me Ministrinë e Financave dhe me një bazë ligjore të saktë. Ky vendim duke ruajtur gjithë konfidencialitetin e Këshillit të Ministrave që ky vendim është miratuar pa asnjë kundërshtim në mbledhjen e Këshillit të Ministrave
Jorida Tabaku: Në cilin akt është përcaktuar autoriteti kontraktues. Vendimi i Këshillit të Ministrave i vitit 2014 thotë që autoriteti kontraktues ka shpallur procedurën për dhënie me koncesion të përzier. Cili është akti që ju keni miratuar për financimin paraprak?
Ëngjëll Agaçi: Sigurimi i financimit të nevojshëm për inceneratorin e Elbasanit, vendimi që unë kam këtu përpara kam vetëm dy pika. Pika 1, dhënien e sigurimit të nevojshëm për ndërtimin e impiantit të mbetjeve të, pika 2 ngarkohet Ministria e Financave dhe Mjedisit ër zbatimin e këtij vendimi. Ky është vendimi zyrtar.
Jorida Tabaku: Në pikën 6 të relacionit thuhet që autoriteti kontraktues në bazë të ligjit ka shpallu aktin për dhënien me koncesion të përzier. Konkretisht me cilin akt ka filluar dhënia e këtij koncesioni?
Ëngjëll Agaçi: E nderuar zonja kryetare dua të theksoj kompetencat e sekretarit të Këshillit të Ministrave. Sekeretari i Përgjithshëm nuk ka asnjë kompetencë në ligjin për koncesionet dhe PPP-të dhe nuk ka asnjë kompetencë as në ligjin e prokurimeve publike për një institucion qendror por të pavarur në ligjin e saj organit.
Është momenti për të saktësuar një të pavërtetë që Sekretari i Përgjithshëm harton projektakte. Do t’i shpjegoj më tej kompetencat e Sekretarit të Përgjithshëm.
Discussion about this post