Në një vendim të publikuar këtë pasdite Departamenti i Thesarit në SHBA shpalli “non-grata” ish-deputetin e Elbasanit, Aqif Rakipi dhe biznesmenin Ylli Ndroqi me akuzat e korrupsionit, përfshirjes në grupe kriminale dhe shantazh ndaj qytetarëve. Në dokumentin e publikuar, përveç akuzave që rëndojnë mbi to si dhe sanksionet që do ndërmerren ndaj tyre, zbulohen edhe identitetet e tyre reale, pasi rezulton se Rakipi dhe Ndroqi kanë nga dy emra. Sipas DASH, emri i vërtetë i Aqif Rakipit është Skënder Ejylbegaj, ndërsa i Ylli Ndroqit, është Xhemail Pasmaçiu.
“NDROQI, Ylli Bahri (PASMACIU, Xhemail;), Tirana, Albania; DOB 11 Mar 1965; POB Tirana, Albania; nationality Albania; Gender Male.
RAKIPI, Aqif ( EJYLBEGAJ, Sëender), Elbasan, Albania; DOB 01 Apr 1964; POB Durres, Albania; nationality Albania; citizen Albania; Gender Male (individual) .”, thuhet në urdhrin e SHBA-ve.
Në urdhrin e publikuar, për ish-deputetin Rakipi shkruhet se ka qenë prej kohësh i përfshirë në krimin e organizuar dhe është i lidhur ngushtë me një grup kriminal të organizuar, nën ndikimin e të cilëve ka ushtruar ndikim politik, duke përfshirë edhe korrupsionin. Ndërsa Ndroqi, pronar mediash, pasuritë e të cilit janë sekuestruar nga qeveria shqiptare në vitet 2020 dhe 2021 për veprimtari të mëparshme kriminale akuzohet se ka shfrytëzuar mediat për të zhvatur dhe shantazhuar qytetarët shqiptarë. Ndroqi, sipas njoftimit, akuzohet si përgjegjës ose bashkëpunëtor, për përfshirje të drejtpërdrejtë në korrupsion në lidhje me Ballkanin Perëndimor.
Discussion about this post