Interpol Tirana në bashkëpunim me Interpol Roma, kanë bërë të mundur lokalizimi, kapja dhe arrestimi në Itali, me qëllim ekstradimi vendit tonë, shqiptarin Behar Aliaj, 36 vjeç, banues në Fier.
Aliaj, i shpallur në kërkim ndërkombëtar për veprën penale “Shtrëngimi me anë të kanosjes ose dhunës për dhënien e pasurisë”, ekstradohet nga Italia drejt Shqipërisë.
Personi në fjalë është shpallur në kërkim, pasi Gjykata e Shkallës së Parë për Krimet e Rënda Tiranë, në vitin 2018 i ka caktuar masën e sigurisë “Arrest në burg”, për veprën penale “Shtrëngimi me anë të kanosjes ose dhunës për dhënien e pasurisë”.
Në vitin 2017, në vendin e quajtur “Sheq i Madh” të Fierit, Behar Aliaj dyshohet se ka shtrënguar me anë të kanosjes personin me inicialet E. B., duke e kërcënuar se do ta vriste, nëse ai nuk do t’i jepte brenda dy muajve, shumën 10.000 euro.
