Një i ri gjerman, i cili ishte shpallur në kërkim ndërkombëtar është arrestuar në aeroportin e Rinasit ditën e sotme. 32-vjeçari me inicialet S.D, kishte menduar se do të kalonte kufirin nëse do të paraqitej me pasaportë të të falsifikuar ukrainase. I riu është paraqitur me emrin e falsifikuar që mbante inicialet R.F.
I riu gjerman ishte dënuar nga një Gjykatë e Stuttgartit në Gjermani për veprën penale “Shkelja e ligjit mbi drogat”, parashikuar nga Kodi Penal i Gjermanisë dhe është shpallur në kërkim ndërkombëtar. Ai u arrestua sot për veprën penale “Falsifikimi i letërnjoftimeve, i pasaportave ose i vizave” dhe materialet i kaluan Prokurorisë, për veprime të mëtejshme.
Ka qenë Interpol Tirana, në bashkëpunim me autoritetet ligjzbatuese gjermane, vijon procedurat për ekstradimin e këtij shtetasi drejt Gjermanisë.
Discussion about this post