Një 40-vjeçar shqiptar u arrestua nga Policia greke pasditen e sotme, ndërsa ishte shpallur në kërkim për grabitje, tentativë vrasje dhe mosbindje.
I arrestuari është identifikuar si Marjan Lisi, i cili u arrestua në periferi të Athinës.
Dyshohet se Lisi dhe një person tjetër i moshës 41-vjeç, po shtetas shqiptar, i shpallur në kërkim, kanë kryer një grabitje të armatosur në një pikë karburanti në Spata të Athinës në datën 10 shtator të këtij viti, ndërsa në të njëjtën ditë qëlloi me armë në zonën Nea Makri ndaj një personi të cilin tentoi të grabisë, por pa i shkaktuar plagë.
Sipas policisë greke, Lisi u arrestua prej forcave të ndërhyrjes së shpejtë të policisë në vendin e quajtur Vari në periferi të Athinës.
Gjatë arrestimit ai nuk bëri rezistencë. Lisi do të dërgohet në gjykatë për masë sigurie.
Discussion about this post