Arrestohet në Tiranë 57 -vjeçari me iniciale S.T, pasi ishte shpallur më parë në kërkim për kontrabandë medikamentesh.
Sipas burimeve, në vijim të operacionit policor të koduar “Përfitimi”, 57 -vjeçari ishte konstatuar më parë se shiste ilaçe për kontrabandë dhe prej ditësh ishte shpallur në kërkim. Sipas të dhënave, ky shtetas, në bashkëpunim me shtetasit e tjerë të arrestuar, shisnin medikamente të dyshuara kontrabandë.
Ndërkohë bëhet me dije , vijon puna për evidentimin dhe arrestimin e personave të tjerë të përfshirë në këtë aktivitet të kundërligjshëm, pasi pak ditë më parë u arrestuan 6 persona të tjera.
Materialet i kaluan Prokurorisë së Rrethit Gjyqësor Tiranë, për veprat penale “Prodhimi dhe tregtimi i barnave dhe i paisjeve mjekësore të falsifikuara ose të rrezikshme për shëndetin” dhe “Tregtim dhe transportim i mallrave kontrabandë”.
