Një shqiptar i është nënshtruar një kontrolli rastësor mbrëmjen e 19 shtatorit në rrugët qendrore të Modenas, ndërsa rezultoi se ishte i shpallur në kërkim nga autoritetet ligjzbatuese shqiptare.
Një patrullë policie vendosi të kontrollojë të riun, pasi po endej në mënyrë të çuditshme.
Gjatë operacionit të identifikimit, rezultoi se ndaj tij ishte në pritje një urdhër kërkimi ndërkombëtar për qëllime ekstradimi, për llogari të shtetit shqiptar, me urdhër arresti të lëshuar në janar 2023 nga Gjykata e Rrethit Dibër. Ai akuzohet për tentativë vrasje, me maksimum 10 vite burgim.
I riu akuzohet se ka goditur me kaçavidë një bashkëkombës të tij, duke i shkaktuar plagë të rënda.
23-vjeçari është dërguar në burgun e Modenës dhe është vënë në dispozicion të organeve të drejtësisë.
Discussion about this post