Forcat “Shqiponja” kanë vënë në pranga një 36-vjeçar i cilësuar si person me rrezikshmëri në shoqëri.
36-vjeçari, rezultonte i shpallur në kërkim për veprat penale “Vrasje me dashje” e mbetur në tentativë”, “Armëmbajtja pa leje” dhe “Prodhim dhe shitja e narkotikëve”.
Në vijim të punës për kapjen e personave të shpallur në kërkim kombëtar në fushën e krimeve kundër jetës, bazuar nga informacionet e marra forcat “Shqiponja” organizuan punën dhe bënë të mundur arrestimin e kapjen e shtetasit M(A), N., 36 vjeç, banues në Tiranë.
Arrestimi i tij u bë në Rrugën e Elbasanit.
Ky shtetas, më datë 06.10.2015, në fshatin Gostimicë, Përmet, në bashkëpunim dhe me persona të tjerë, për motive të dobëta, ka plagosur me armë zjarri shtetasin G. I.
Për këtë shtetas, Gjykata e Shkallës së Parë Përmet datë 17.12.2015 ka caktuar masën e sigurisë “Arrest me burg” për veprat penale “Vrasje me dashje” e mbetur në tentativë”, “Armëmbajtja pa leje” dhe “Prodhim dhe shitja e narkotikëve”
36-vjeçari iu dorëzua shërbimeve të DVP Gjirokastër, për veprime të mëtejshme proceduriale.
