Stilisti i njohur francez Olivier Rousteing, ka ndarë një foto të tij ku shfaqet i gjithi i fashuar një vit më parë, kur i shpërtheu oxhaku dhe u dogj pjesa më e madhe trupit.
Rousteing, drejtori krijues i shtëpisë së modës “Balmain”, e ndau këtë foto në Instagram përkrah të cilës shkruante: “Pikërisht një vit më parë, oxhaku brenda shtëpisë sime shpërtheu”.
Ai u zgjua të nesërmen në spitalin “Saint Louis” të Parisit, dhe që prej asaj dite është ende duke u rikuperuar nga plagët e marra.
Rousting pothuajse ishte zhdukur nga daljet dhe reflekton se ishte obsesioni i tij për modën dhe përsosmërinë ato që e bënin të kishte turp, gjë që tashmë nuk e kupton më.
Olivier Rousteing e mori detyrën si drejtor kreativ i “Balmain” në 2011 kur ishte vetëm 25 vjeç. Sipas një profili në “Out Magazine”, marka u rrit 15%-20% midis 2012 dhe 2015. Ai ka hapur dyqane mode në Londër dhe Nju Jork, të cilët janë të parët e kompanisë jashtë Parisit.
