Prurjet e reja/ I shpëtoi atentatit, ish-prokurori Ndoja pjesë e primareve të PD

Kryesia e Partisë Demokratike ka miratuar emra të rinj për të hyrë në garën e primareve që do të zhvillohen më 1 mars.

Në primaret e Durrësit do të garojë edhe ish-prokurori Arjan Ndoja i shkarkuar nga vetingu, i cili i ka shpëtuar një atentati në 2019, kur udhëtonte në makinë me Landi Muharremin dhe Andi Malokun, që humbi jetën në atë sulm.

Një tjetër emër i bashkuar në primare është gjenerali Xhemal Gjunkshi, i cili ka vendosur të braktisë partinë e Bashës dhe të kandidojë në primaret e Dibrës, duke deklaruar se vendimi është marrë për t’u kthyer tek partia e tij.

Në një reagim në rrjetet sociale, ai ka dhënë arsyet e një vendimi të tillë, duke shtuar se duhet bashkim për të fituar kundrejt mazhorancës në pushtet. “Të lëmë pas interesat personale dhe zënkat që janë prodhuar vitet e fundit mes demokratëve, dhe të bëhemi një. Arsyet që na bashkojnë janë më të shumta sesa ato që na ndajnë. Dhe nuk ka arsye më të fortë se Shqipëria”, shkroi ai mes të tjerash.

Primaret pritet të mbahen më 1 mars, dhe lista e kandidaturave është zgjeruar, duke përfshirë rreth 20 emra të rinj përveç rreth 290 të miratuar më parë.

Lexo edhe: