Marklen Haka, një prej emrave mjaft të njohur të botës së krimit në Fushë-Krujë, i ka shpëtuar mesditën e djeshme mrekullisht një atentati të dytë të organizuar ndaj tij, brenda një periudhe prej dy vite e gjysëm.
Haka ka treguar para hetuesve ngjarjen. Sipas dëshmisë, Haka ndodhej brenda një makine tip “Golf 6” jo i blinduar, dhe po kthehej nga Tapiza në drejtim të fshatit të tij në Nikël.
Përmes pasqyrës së mjetit kishte vënë re një makinë që po e ndiqte, por nuk e ka vlerësuar situatën, se mund të goditej befasisht me qëllim eliminimin e tij.
“…Sapo kam hyrë në rrugën e Niklës, aty kam ndaluar një moment pasi më ka folur dhe jam përshëndetur me djalin e xhaxhait tim…teksa kam qëndruar, nga makina që kisha nga pas dhe që e kisha vënë re disa herë përmes pasqyrës, është qëlluar me armë drejt meje në një distancë të vogël…”-mësohet ti ketë thënë hetuesve Marklen Haka.
Atentati i parë ku Haka është sulmuar me breshëri automatiku daton në 21 shtator 2018 në Nikël, ku në derë të shtëpisë ai është plagosur, ndërsa ka mbetur e vdekur halla e tij, Shpresa Basha.
Discussion about this post