Mbrëmjen e djeshme, Dedë Planajt iu bë atentat në vendin e punës në një karburant në Shkodër. Për fat të mitrë Planaj i shpëtoi atentatit mbrëmjen e djeshme në Dobrac të Shkodrës, ndërsa ditën e sotme ka folur duke thënë se nuk e di se kush e ka qëlluar. Ai është shprehur se një person i është afruar me një motoçikletë, duke e qëlluar.
“Isha i ulur tek puna ne karburant. Në një moment erdhi një motoçiketë, drejtuesi i saj ishte me kaskë. Zbriti dhe u afrua drejt meje dhe më qëlloi. Nuk ia pashë fytyrën, nuk e di kush ishte. Une personalisht nuk kam konflikte dhe nuk e di kush mund të jetë”- ka thënë ai.
Ai u plagos mbrëmjen e së shtunës në hyrje të aksit rrugor Shkodër-Koplik, në lagjen Dobraç. Mësohet se plumbat nuk i kanë prekur organet jetësore ndërsa ai është transportuar drejt Traumës për mjekim të specializuar. Për sa i përket autorit ai ka qenë i vetëm dhe levizte me motoçikletë.
Ai është afruar, ka zbritur nga motomjeti dhe në një distancë rreth tre metra ka qëlluar drejt 60-vjeçarit Pllanaj dhe më pas është larguar në drejtim të rrugës së Koplikut. Vetë 60-vjeçari Dedë Planaj nuk njihet për njeri problematik, por lidhja e gjakut me Bardhok Planajn mendohet të jetë shkak i këtij atentati.
Discussion about this post