Një 38-vjeçar shqiptar është arrestuar ditën e sotme për trafik droge në Holandë. I arrestuari njihet me emrin Dejvi ‘Tony’ G dhe akuzohet se është koka e një bande të trafikut të kokainës atje. Mediat e huaja raportojnë se Dejvi, i cili ka në pronësi edhe kompaninë e makinave “Alba Car” në një qytet në Holandë, u fsheh për një vit në Shqipëri dhe këtë të mërkurë u vetëdorëzua para autoriteteve holandeze.
Por kush është 38-vjeçari shqiptar dhe pse u rikthye papritur në Holandë?
30-vjeçari mendohet se është drejtues i një organizate kriminale që merret me trafikimin e lëndëve narkotike, ndërsa është edhe pronar dhe drejtor i kompanisë së makinave “Alba Car”. Sipas organeve të drejtësisë, përmes kësaj kompanie ishte drejtuar një operacion ndërkombëtar droge. Në tetor të vitit 2020, shërbimet e hetimit bënë kontrolle të shumta në disa zona të Holandës dhe Spanjës, ku ranë në pranga 14 persona, por Dejvi arriti që t’i shpëtonte policisë.
Sipas mediave të huaja, thuhet se ai u arratis drejt Shqipërisë menjëherë pas këtij operacioni, por kohët e fundit duket se kishte filluar të mendonte vetëdorëzimin në Holandë. Arsyeja mendohet se lidhet me banesën që ai ka në Sittard, aty ku la pas miqtë dhe jetën që kishte ngritur.
Duke mos e pasur të letë kthimin në Holandë për shkak se ndaj tij kishte një urdhër arresti ndërkombëtar, ai përmes avokates së tij Gitte Stevens kërkoi ndihmë për të finalizuar vendimin e për t’iu dorëzuar autoriteteve. Pas dakordësimit të avokates me intancat përkatëse, ai arriti të udhëtojë nga Shqipëria drejt Holandës pa u ndalua dhe të vetëdorëzohet para policisë holandeze. Tashmë ai ndodhet në paraburgim, ndërsa ditën e premte pritet që të dalë para trupës gjykuese.
Discussion about this post