Policia e Lezhës ka arrestuar 30-vjeçarin Gjergj Ndreca i cili ishte shpallur në kërkim pasi gjykata e Lezhës kishte vendosur masën e sigurisë arrest me burg prej qershorit të vitit të shkuar për akuzën e prodhimit të lëndëve narkotike.
Blutë e Lezhës kishin marrë informacion se 30-vjeçari ishte pasagjer në mjetin me drejtues Ervin Ndreca dhe për këtë shërbimet e Forcës së Posaçme “Shqiponja” kanë lokalizuar mjetin dhe i kanë bërë shenjë ndalimi.
Drejtuesi i mjetit nuk i është bindur urdhrit të punonjësve të Policisë për të ndaluar dhe është larguar më shpejtësi me mjetin në të cilin ishin pasagjerë vëllai i tij, shtetasi E. N., 25 vjeç dhe shtetasi i shpallur në kërkim Gjergj Ndreca.
Në vijim të veprimeve u referuan materialet procedurale në Prokurori, për veprën penale “Mosbindja ndaj urdhrit të punonjësit të policisë së rendit publik”, dhe nisi procedimi penal në gjendje të lirë për shtetasit E. N., 22 vjeç dhe Ervin Ndreca., 25 vjeç, banues në Lezhë.
Materialet procedurale iu referuan Prokurorisë pranë Gjykatës së Shkallës së Parë Lezhë, për veprime mëtejshme.
Discussion about this post