Lulzim Sulejmani nga Lugina e Preshevës dhe Medina Lutfiu nga Kumanova, janë bashkëshortët që i mbijetuan tragjedisë nga autobusi që mori flakë në Bullgari mëngjesin e sotëm, fillimisht raportohej se gjendja e tyre shëndetësore ishte e mirë, por në orët e fundit të dy ata kanë shfaqur komplikacione dhe për këtë arsye janë nënshtruar një operacioni urgjent në Spitalin e Sofjes.
Sipas familjarëve, Lulzimi dhe Medina kanë lëndime trupore, përkatësisht në ekstremitetet e poshtme dhe për momentin ndodhen në sallat e operacionit. Gjithsesi, mjekët tregojnë se të dy ata janë jashtë rrezikut për jetën dhe do të mbahen në spital deri në momentin që gjendja shëndetësore të stabilizohet plotësisht.
Discussion about this post