Përfundon në tragjedi një konflikt mes dy fqinjëve në Itali. Protagonist i sherrit në provincën e Italisë ishte dhe një shqiptar. Sipas mediave italiane, ngjarja e rëndë ndodhi mbrëmjen e djeshme në Arezzo.
Mësohet se 57-vjeçari shqiptar ka sulmuar me buldozer shtëpinë e fqinjit të tij. Por ky i fundit i është përgjigjur me cifte gjahu, duke e lënë shqiptarin të vdekur në vend. Ai humbi jetën pas plagëve të shkaktuara, ndërsa italiani ra në pranga, ku do të përballet dhe me akuzën për vrasje.
Sipas informacioneve, rreth orës 20:30, moment kur shqiptari po ngiste mjetin e rëndë, të paktën pesë të shtëna janë dëgjuar nga banesa e italianit, 4 prej të cilave përfunduan në trupin e 57-vjeçarit nga Shqipëria.
Discussion about this post