Jose Mourinho është aq i hidhëruar nga trajtimi i arbitrave në Itali, saqë i sugjeroi Nicolo Zaniolos që ai të largohej nga Serie A dhe të dy Tottenham dhe Newcastle po monitorojnë 22-vjeçarin.
Mourinho qartazi nuk dëshiron që ylli italian të largohet nga Stadio Olimpico, por nuk mund ta fshehë zhgënjimin e tij me mënyrën se si zyrtarët e Serie A po e trajtojnë Zaniolon. Mesfushori italian u ndëshkua në ndeshjen kundër Bolognas.
“Dua të them diçka që ndoshta bie ndesh me interesat e mia: po të isha Nicolo Zaniolo, do të filloja të mendoja se ndoshta të luaj në Serie A do të thotë se gjërat do të grumbullohen kundër meje”, tha Mourinho pas ndeshjes së fundit në Stadio Dall’Ara.
Ai madje u largua nga intervista ndërsa një gazetar i DAZN-it po bënte një pyetje tjetër për të theksuar zhgënjimin e tij për këtë çështje.
Zaniolo ka shënuar dy gola në Conference League këtë sezon, por ende nuk e ka gjetur rrjetën në 13 ndeshje në Serie A.
Ai thuhet se kishte mosmarrëveshje me Mourinhon për rolin e tij në Romë pasi nuk ndihej i sigurt duke luajtur si krah i majtë.
Mourinho ka ndryshuar sistemin, duke u përpjekur t’i japë skuadrës së tij më shumë ekuilibër, dhe Zaniolo ose Lorenzo Pellegrini fillojnë me formacionin 3-4-1-2.
Me Pellegrinin i lënduar, Zaniolo e nisi ndeshjen ndaj Bologna-s, por sërish nuk arriti të gjente rrjetën.
Kontrata e tij me ‘Verdhekuqtë’ skadon në qershor 2024 dhe sipas raportimeve në Itali, bisedimet për të zgjatur qëndrimin e tij në klub janë pezulluar.
‘Il Corriere dello Sport’ dhe ‘Calciomercato.com’ raportojnë se Tottenham dhe Newcastle janë të interesuar të sigurojnë shërbimet e tij me drejtorin e Spurs, Fabio Paratici, një admirues prej kohësh i 22-vjeçarit. Çmimi i kërkuar i Romës është rreth 40 milionë euro.
‘Calciomercato.com’ po ashtu raporton se Zaniolo është i frustruar dhe shpesh ka folur me trajnerin e tij për trajtimin që ai merr nga zyrtarët e Serie A./K.T/Gijotina.com
Discussion about this post