Gjykata e Vlorës ka caktuar masën e sigurisë “arrest me burg” për Brikel Alikaj, i arrestuar dy ditë më parë nga policia e Vlorës pas konfliktit në spitalin e Vlorës.
Brikel Alikaj ka kundërshtuar forcat e policisë pas një rasti të paprecedentë në spitalin rajonal.
Shkak për përplasjen mes të arrestuarit dhe forcave të policisë është bërë moshapja e derës së ambulancës gjersa familjari i tij, Arbër Ferati ishte në gjendje të rëndë dhe më pas ndërroi jetë në spital.
Brikel Aliaj ka reaguar ashpër pasi ka mësuar se i afërmi i tij kishte ndërruar jetë në spital.
Prokuroria ka kërkuar arrest me burg për t’u pranuar nga gjykata. Pala mbrojtëse ka kërkuar lirim me kusht. Gjykata bazuar në pamjet filmike e ka cilësuar të ligjshëm arrestimin teksa ka pranuar kërkesën e prokurorisë
Arbër Ferati, 35 vjeç ndërroi jetë të hënën në 19 qershor pasi ra në kontakt me kabujt e tensionit të lartë rrëzuar përtokë, në kohën kur po korrte grurin me autokombanjë.
Ai u transportua në gjendje të rëndë me autoambulancë, por në momentin që mbërriti në spital, dyert e autoambulancës nuk u hapën duke vonuar dhënien e ndihmës mjekësore për të riun, i cili ndërroi jetë pak momente më vonë. Kjo solli edhe tensione mes familjarëve dhe punonjësve të autoambulancës dhe efektivëve të policisë të pranishëm në spital.
Discussion about this post