Një sasi lëndë plasëse ka shpërthyer në një godinë boshe në rrugën dytësore “Tiranë-Vorë”.
Policia tha se si pasojë e shpërthimit janë shkaktuar vetëm dëme materiale.
Burime bëjnë me dije se bëhet fjalë për një garazh të marrë me qira nga Kozak Braçi personazhi i Tik-Tokut. Më herët i kanë djegur edhe një automjet. Ambientin e kishte marrë me qira ku priste të bënte një investim.
Ende nuk dihen arsyet e shpërthimit, por po hetohet mbi konfliktet e mundshme. Policia ka sekuestruar kamerat e sigurisë, me qëllim identifikimin e autorit.
Njoftimi:
Më datë 05.01.2024, rreth orës 03:55, në një godinë boshe, në rrugën dytësore “Tiranë-Vorë”, dyshohet se ka shpërthyer sasi e vogël lëndë plasëse. Si pasojë janë shkaktuar vetëm dëme materiale. Po punohet për sqarimin e rrethanave të ngjarjes.
Materialet i kaluan Prokurorisë.
Discussion about this post