I vendoset tritol një makine në Krujë, ja kush është pronari i mjetit

Një shpërthim me eksplozive në një makinë është regjistruar natën që sapo lamë pas në rrugën “Vrana Konti” të Krujës.

Policia bën me dije se në automjetin tip “Opel Corsa” në pronësi të 25-vjeçarit Elton Kani, ka shpërthyer një sasi e vogël lëndë plasëse, e cila ka shkaktuar vetëm dëme në pjesën e parë të automjetit.

“Rreth orës 03:20, në rrugën “Vrana Konti” dyshohet se në automjetin tip “Opel Corsa” në përdorim nga shtetasi E. K., 25 vjeç, është vendosur një sasi e vogël lëndë plasëse, ku janë shkaktuar vetëm dëme në pjesën e parë të automjetit.

Grupi hetimor nën drejtimin e Prokurorisë po punon për sqarimin e rrethanave të ngjarjes, identifikimin dhe kapjen e autorit/ve si dhe dokumentimin e plotë të ngjarjes”, njofton policia.