I vendosi tritol në banesë, Duka hedh poshtë aludimet: S’kam konflikte me të arrestuarin

Presidenti i Federatës Shqiptare të Futbollit Armand Duka i hodhi poshtë aludimet se ka konflikt me 34-vjeçarin Arlen Hasanaj, i cili u arrestua mbrëmë nga policia për vendosjen e një sasie tritoli në banesën e kreut të FSHF ditën e hënë.

Për “Ora News”, Armand Duka i quajti qesharake hipotezat se ai ka pasur konflikte me Hasanajn.

“Qesharake! Skam asnjë lidhje, asnjë konflikt me të”, tha Armand Duka.

34-vjeçari akuzohet për veprat penale “shkatërrimi i pronës me eksploziv” dhe “Mbajtja pa leje dhe prodhimi i armëve, armëve shpërthyese dhe i municionit”, por ai vetë ka mohuar gjithçka duke shtuar se nuk ka lidhje me ngjarjen, por nuk ka dhënë sqarime të mëtejshme.