Nën masa të forta sigurie Azgan Mërnica, autori i vrasjes së efektivit të policisë Novruz Cenalia doli sot në gjykatën e Fierit për vlerësimin e masës së sigurisë.
Vrasja ndodhi mesditën e 13 majit 2024 në një rrugicë afër banesës ku efektivi i Shqiponjave banonte në fshatin Baltëz të Fierit.
Vetë autori e ka pranuar krimin dhe ka deklaruar gjatë dëshmisë se nuk ishte penduar.
Familja Mërnica, me të gjithë pjesëtarët e gjinisë mashkullore, të akuzuar e dënuar për vrasje, nuk vjen për publikun, thjesht si një familje me kronologji ngjarjesh e aktesh kriminale. Por për shumë vite ata janë njohur si militantë të ashpër të opozitës, dhe së fundi pjesë në të ashtuquajtur Struktura e Armatosur për Mbrojtjen e Votës, që u ngrit nga PD në vitin 2021.
Discussion about this post