Sali Berisha nuk do garojë i vetëm në garën për kryetar të Partisë Demoktratike pasi kandidati Ibsen Elezi, ish-kryetar i Partisë Demokratike në Kukës, ka depozituar dokumentet për të kandiduar për zgjedhjet që do të zhvillohen në 22 maj.
Edhe pse nuk është favorit përballë Sali Berishës, Ibsen Elezi ka deklaruar se ai nuk futet në garë për të fituar, por që të paraqesë pikëpamjet e tij për PD-në si dhe të sjellë një frymë të re politke në PD. Teksa u ndal tek transparenca për procesin e zgjedhjes, Elezi tha se do të bëjë të gjitha përpjekjet, duke kërkuar largimin e manipulatorëve në krye të këtij procesi.
Ai tha se nuk bindet por reagon dhe këtë gjë e ka bërë kur ka shkuar brenda PD-së duke deklaruar “Basha boll”. Sipas Elezit është vrarë aksioni politik dhe demokracia e brendshme dhe për këtë gjë ai do të bëj të gjitha përpjekjet që proces të mos manipulohet duke kërkuar largimin e Albana Vokshit pasi nuk mund të jetë një manipulatore në krye të procesit.
Elezi nuk u ndal me kaq por komentoi dhe zgjedhjen e Edi Palokës në krye të Këshillit Kombëtar në krye të Këshillit Kombëtar të PD-së, pasi nuk mund të zgjidhet një manipulator në krye të këtij institucioni të rëndësishëm.
“Nëse ti vendos një manipulator në krye të këtij institucioni të rëndësishëm si do e drejtosh aksionin politik kundra Edi Ramës. Të vjen keq sepse nuk ka asnjë reagim nga anëtarët e zgjedhur të Këshillit Kombëtar.’- ka deklaruar Elezi.
Discussion about this post