Katër automjete luksoze janë sekuestruar nga Policia në Tiranë, pasi dyshohet se ato janë vjedhur në shtetet e BE dhe janë trafikuar në vendin tonë, duke u shitur më pas në persona të tjerë, për qëllime fitimi.
Sipas njoftimit të policisë, nga veprimet hetimore ka rezultuar se këto automjete u janë nënshtruar ndërhyrjeve dhe modifikimeve në numrat e shasisë apo paketat elektronike dhe më pas janë tregtuar te persona të ndryshëm.
Në kuadër të këtij operacioni u proceduan penalisht në gjendje të lirë, për veprën penale “Trafikimi i mjeteve motorike”, B. S., E. N. dhe E. K., të tre banues në Tiranë. Gjithashtu, u shpall në kërkim bashkëpunëtori i tyre, Z. D., banues në Maqedoninë e Veriut.
Discussion about this post