Jeta e Georginës ndryshoi rrënjësisht që pas njohjes me yllin e futbollit Cristiano Ronaldo. Ndërsa nuk kanë munguar reagimet në media nga ana e familjarëve të saj, të cilët janë shprehur shpeshherë që janë ndjerë të braktisur nga ajo. Së fundmi xhaxhai i saj, i cili u kujdes për të pas burgosjes të babait të saj për trafikim lëndësh narkotike është shprehur se Georginës i vjen turp nga ata.
Ai ka thënë se Georgina nuk do t’ia dijë më për ta, edhe pse xhaxhai e ka ushqyer atë në kohën kur babai i saj u burgos.
“Ajo mund të ndihet e turpëruar për ne dhe të konsiderojë se është më e mirë se ne, sepse ne nuk jetojmë me luksin e saj. Nuk i kam kërkuar kurrë asgjë. Ajo më ka telefonuar vetëm një ose dy herë që kur mora vesh se po dilte me Ronaldon” – u shpreh ai.
Edhe motra e saj ka bërë një reagim: “Kur ishte ditëlindja e djalit tim, e pyeta nëse mund t’i kërkonte Cristiano-s të firmoste një këmishë për djalin tim dhe ajo tha ‘jo’. Ajo nuk do ta shqetësonte atë pasi ai ishte me pushime.”
Jo vetëm kaq por xhaxhai tha se ai i ka paguar edhe faturat e saj.
Më tej, ai tha se i ka shkruar Ronaldos: “I kam shkruar Cirstiano Ronaldos në Facebook që ke gruan më të keqe në krah, nëse do të dish më shumë, më kontakto dhe do të tregoj.”
Discussion about this post