Hil Mema dhe Vangjel Pella janë dy personat të cilët po mbahen në burg si të dyshuar të grabitjes së 50 mijë eurove ndaj biznesmenit nga Saranda.
Pella, i cili dhe ky është një biznesmen nga Saranda, i ka kërkuar gjykatës të lërë qelinë. Ai ka kërkuar një masë lehtësuese. Avokati ka parashtruar se klienti i tij nuk është i dënuar më parë, madje ka dhe probleme shëndetësore.
Nga kartela mjekësore e Pellës, rezulton se ai ka nevojë për mjekim të vazhdueshëm nën kujdesin e mjekut specialist dhe familjes; në kushte të tilla vlerësohet se masa më e përshtatshme është “detyrim paraqitje”.
I arrestuari tjetër Hil Mema, i cili është nga Kosova, ka pohuar se deklarimin e tij e ka bërë pasi është detyruar me forcë dhe rrahur nga të zotët e shtëpisë. Gjithashtu pohon se dhe familja e tij wshtw kwrcwnuar.
“Në këto kushte duhet të merret si provë deklarimi i tij nga gjykata dhe të bëhet zëvendësimi i masës së sigurimit personal për personin nën hetim Vangjel Pella, pasi ka rënë dyshimi i arsyeshëm”, shkruhet në kërkesë.
Pella ka pohuar se nuk e njeh personin tjetër Hil Mema dhe nuk ka asnjë dijeni në lidhje me këtë vjedhje ndaj biznesmenit tjetër.
Gjyqtari Fatmir Ndreu ka vendosur rrëzimin e kërkesës të personit në fjalë duke e lënë atë në burg, për veprën penale të vjedhjes e kryer në bashkëpunim. Getoarb Mulliqi dhe Nderim Curri janë të shpallur në kërkim në lidhje me këtë ngjarje, teksa policia po punon për kapjen e tyre.
