Zbardhen detaje nga shpërthimi një ditë më parë i Range Roverit te “Komuna e Parisit” në Tiranë. Mjeti luksoz ishte në pronësi të ish-noteres të identifikuar me emrin Rezarta Koçi. Nuk dihet nëse ky shpërthim nga persona, identiteti i të cilëve nuk është bërë ende, ka qenë një paralajmërim për ish-noteren. Ndërsa gijotina.com mëson se Koçi është një emër i njohur pasi ka shërbyer si asistente e ish-ministrit Eduard Halimi dhe punon si pedagoge në një universitet privat.
Në maj këtij viti ajo mbeti pa licensën e noteres, pasi një ankesë në Ministrinë e Drejtësisë solli nisjen e procedimit disiplinor ndaj saj dhe heqjen përgjithmonë të licensë. Sipas dokumnetit të siguruar nga gijotina.com mësohet se një qytetar me inicialet K.G., është ankuar se noterja nuk kishte përdorur në mënyrë të rregullt llogaritë bankare dhe pas hetimit të Ministrisë së Drejtësisë u propozua të pezullohej.
Kush është Rezarta Koçi?
Rezarta Koçi ka lindur më 31.10.1981 në Tiranë. Ajo është diplomuar nga Fakulteti i Shkencave Sociale, Universiteti i Tiranës në degën “Punë sociale”. Më pas ka përfunduar Fakultetin e Drejtësisë, Universiteti Justiniani. Krahas studimeve, znj. Koçi ka marrë pjesë në trajnime dhe aktivitete të shumta me fokus legjislacionin civil, të pronësisë, trashëgimisë, kontratave etj.
Nga viti 2005 deri në vitin 2008 ka punuar si asistente e Zv.Ministrit të Drejtësisë Eduard Halimi. Më pas pranë Avokaturës së Përgjithshme të Shtetit në periudhën 2008 – 2009, si dhe inspektore e profesioneve të lira në Drejtorinë e Inspektimit pranë Ministrisë së Drejtësisë në periudhën 2011 – 2013.
Prej vitit 2013 ushtron profesionin e noteres në zyrën e saj. Prej Janar 2020, znj. Koçi është pedagoge e jashtme pranë Fakultetit Juridik, Universiteti Evropian i Tiranës.
Gjetjet e Ministrisë së Drejtësisë i mori në shqyrtim Bordi Disiplinor i Dhomës Kombëtare të Noterisë, i cili vendosi të pranojë kërkesën e Ministrisë së Drejtësisë në datë 6 maj 2021. A.L/ gijotina.com
Discussion about this post