I vuri drynin restorantit në SHBA: A po bie miti i Nusr-Et?

Për vite, formula e suksesshme e lëvizjes pas zinxhirit ndërkombëtar të biftekëve Nusr-Et të Nusret Gökçe, ka qënë “hedhja ikonike e kripës”.

Kasapi turk, i njohur ndryshe si Salt Bae, u bë një sensacion në internet në vitin 2017 për spërkatjen me kripë në biftekë, ndërsa mbante syze dielli aviator dhe bluza të bardha.

Kjo i dha atij 52 milionë ndjekës në Instagram, por duket se në një nga tregjet më konkurruese të restoranteve në botë – New York, ai nuk mundi ta mbante të hapur zinxhirin e burgerëve.

Nusret Gökçe lindi në Paşalı, një fshat në provincën Erzurum të Turqisë, në vitin 1983, ku u detyrua të linte shkollën në moshën 12-vjeçare për të filluar të ndihmonte babain e tij, i cili punonte si minator.

Ai punoi si çirak kasap, me shpresën që një ditë të hapte restorantin e tij. Pas një udhëtimi pune në Argjentinë, ai hapi restorantin e tij të parë në Stamboll në moshën 27-vjeçare, duke fituar shumë që në ditën e parë.

Me investime nga biznesmeni turk Ferit Sahenk, ai u zgjerua në Ankara, Dubai dhe Doha, duke krijuar zinxhirin e steakhouseve luksoze Nusr-Et.

Gökçe, megjithatë, u bë i famshëm pasi një video e tij duke spërkatur kripë në mënyrë të veçantë u bë virale në janar 2017. Ishte kjo video që i dha kasapit turk pseudonimin Salt Bae, me hashtagun #SaltBae që filloi të bëhet trend në Twitter.

Salt Bae u bë shpejt memeja më e njohur dhe mblodhi më shumë se 40 milionë ndjekës në Instagram.

Sensacioni i ri i internetit tërhoqi vëmendjen e shumë të famshmëve, të cilët u mahnitën nga video dhe vendosën ta shihnin Gökçen në veprim.

Leonardo Di Caprio vizitoi restorantin e tij në Dubai një muaj më vonë në shkurt 2017 dhe shefi i kuzhinës shpejtoi ta dokumentonte atë në mediat sociale.

Një vit më pas ai hapi restorantin e tij të parë në SHBA. Në vitin 2022, ai kishte 22 restorante në vende të ndryshme nëpër botë, nga New York-u në Londër, Dubai dhe vende të tjera ekzotike, si dhe një biznes fitimprurës me mish, i cili mban vulën e shefit të kuzhinës.

You can BET that Salt Bae's new restaurant in London will be packed with footballers 🧂

The game's biggest stars just can't get enough! 🥩 pic.twitter.com/8V9k2T9jZS

— GOAL (@goal) September 24, 2021

Shkatërrimi i një miti të internetit

Por shumë panë një tjetër të vërtetë pas reputacionit të shefit të kuzhinës dhe stilit të gjallë të jetesës që ai shfaqte.

Salt Bae Burger, i quajtur restoranti më i keq në qytetin e New York-ut, u mbyll disa ditë më parë dhe la pas një tabelë që thoshte se po zhvendoset në një vend të ri.

Mbyllja e Salt Bae Burger është rezultat i ecurisë së vështirë të restorantit në New York City gjatë tre viteve të fundit.

Restoranti u hap pranë Union Square Park vetëm një muaj para fillimit të pandemisë, duke shërbyer një hamburger viçi Wagyu të mbështjellë me fletë ari, 99 dollarë “milkshake të artë” dhe një “burger zonjash” vegjetarian që ishte falas për gratë. Ndërsa vetë Salt Bae mund të jetë dashuruar nga interneti, shumica e etiketuan këtë restorant si “restoranti më i keq në New York”.

Vetë Nusret ndonjëherë ka tërhequr shumë vëmendje negative nga media dhe ka marrë pakënaqësi publike për praktikat e ndryshme të tij.