I zë poshtë skela, plagosen babë e bijë në Tiranë

Një ngjarje e rëndë ka ndodhur në kryeqytet, ku skela e një pallati në ndërtim ka rënë duke plagosur dy qytetarë.

Ngjarja ka ndodhur në zonën e ish-Parkut të Autobuzave, ku një pjesë e skelës së një pallati në ndërtim ka rënë duke zënë poshtë dy kalimtarë, babë e bijë, të cilët janë transportuar në spital.

Njoftimi i policisë

“Më datë 22.01.2024, rreth orës 10:10, në bulevardin “Gjergj Fishta”, janë rrëzuar skelat e nje pallati në ndërtim e sipër, dhe si pasojë janë dëmtuar 2 shtetas (kalimtarë) H. L., rreth 70 vjeç, dhe I. Sh., rreth 45 vjeçe.

Dy të dëmtuarit ndodhen në spital, në kujdesin e mjekëve.

Në ambientet e Policisë janë shoqëruar inxhinieri i pallatit, shtetasi K. S., dhe punëtorët N. S., dhe A. P., për veprime të mëtejshme procedurale.”

Grupi hetimor ndodhet në vendngjarje dhe po punon për sqarimin e rrethanave të ngjarjes.