Palombarët kanë arritur të nxjerrin nga lumi i Shalës trupin e pajetë të Edison Oruqit, baba i pesë fëmijëve që rezultonte i zhdukur prej pesë ditësh.
Trupi i tij i pajetë u gjet paraditen e sotme, ndërkohë që pak më parë u bë e mundur nxjerrja e trupi nga uji. .
Babai i 3 fëmijëve u zhduk në mënyrë misterioze paraditen e se shtunës. Ai kishte shkuar për të punuar në një bujtinë, por humbi gjurmët.
Dyshohet se personi që e kishte punësuar Edison Oruqin, pas pune e kishte lënë në një gadishull të vogel me rërë dhe jo në destinacion sepse aty nuk arrinte varka.
Skendër Pepkolaj, kolegu i punës së Edison Oruqit, që u gjet i mbytur në Lumin e Shalës ka treguar më shumë për vendin ku është mbytur babai i tre fëmijëve. Pepkolaj ka treguar për Top Channel dhe vendin ku pronari e la viktimën, në një zonë të rrethuar në të gjitha anët nga uji. Ai thotë se ka dyshime se viktima mund të jetë rrëmbyer nga rrjedha e ujit.
“Tek ai zali përtej lumit ka pas vendin e punës, por nuk kalohet në këmbë, ka ujë, nuk ka rrugëdalje këmbësore, por varka nuk ka kalu dhe është detyru ta lejë në këtë zallin këtu, është i rrethuar me ujë nga të gjitha anët. Vetëm ky shteg kalimi është, i cili ka qenë i pa kalueshëm në këmbë, këto janë dyshimet se është përpjekur të hyjë në ujë dhe mund ta ketë marrë rrjedha, personi që ka qenë këtu, ka thënë se ka lënë në këtë zall”, tha Pepkolaj.
Discussion about this post