Deputetët e opozitës bllokuan seancën plenare, duke detyruar Kryeparlamentaren Lindita Nikolli, që të njoftojë mbylljen e seancës.
Shkak për tensionet në Kuvend u bë qëndrimi i mazhorancës për të mos miratuar propozimet e Grupit Parlamentar të PD-së për Komisionin Parlamentar të Reformës Zgjedhore.
Opozita akuzoi mazhorancën se po tenton ti emërojë përfaqësuesit e saj në këtë komision, çka është e papranueshme dhe anti-Kushtetuese.
Deputetet Albana Vokshi dhe Elda Hoti kanë shkuar deri në tavolinën ku ulet kryeparlamentarja Lindita Nikolla, duke e detyruar këtë të fundit që mbylljen e seancës ta bëj në një nga mikrofonat e ministrave në një tavolin tjetër.
Deputetët e tjerë kanë shkuar në tavolinat e ministrave, disa prej të cilëve nuk ndodheshin të ulur.
Gjatë fjalës së tij, Bardhi akuzoi mazhorancën se po mban peng refomën zgjedhore dhe se po përdor çdo mjet për të ndaluar ngritjen e komisionit.
Pas bllokimit të foltores, votimi për komisionin e reformës zgjedhore është shtyrë për në seancën e radhës.
Jashtë parlamentit, Bardhi deklaroi për mediat se “opozita ka të drejtë të caktojë ai përfaqësuesit e vetë në komisionin e reformës zgjedhore. Ka një tentativë të qartë të grupit të PS për të penguar përfaqësimin e opozitës në këtë komision për të zvarritur realizimin e reformës zgjedhore. Nëse opozitës i mbyllet çdo hapësirë, Kuvendi nuk mund të funksionojë në mënyrë normale. Kur nuk realizohen kërkesat e interpelancës, kur nuk lejohen komisionet, kjo do të thotë se parlamenti ka humbur çdo mundësi bashkëjetese normale mes pozitës dhe opozitës”.
Discussion about this post