Deputeti demokrat dashnor Sula u shpreh në emisionin Open se PD ndjehet në këtë situatë nga çmenduria kolektive që e ka kapluar në këto vite.
Sula tha se përplasja në PD është mes dy personave, njëri që nuk u bë kurrë kryetar nga 2013 deri më sot dhe tjetri që kurrë nuk iku si kryetar I PD, pra mes Bashës dhe Berishës.
Sula tha se po shkojmë drejt ndarjes së PD në copa, thjesht duan të mbijetojnë në politikë, të përdorin atë copën për hallet e tyre personale.
“Basha solli ata të fortët aty, në mbledhjen e Kryesisë, që na kërcënuan dhe na shanë me fjalët më banale. Të jeni të bindur se po të më dalë përpara ai person, po të jetë burrë, dhe të më shajë në sy, ia heq gurmazin”, tha Sula.
Deputeti Sula akuzoi direkt Lulzim Bashën si problemin që ka sot Partia Demokratike. “Nga 9 shtatori 2021, Lulzim Basha i ka marrë të gjitha vendimet vetë, pa pyetur askënd”, tha Sula.
Discussion about this post