Në banesën e të ndjerës, 50-vjeçares Valentina Manaj janë hapur dyert e mortit. Vetëm një ditë më parë, bashkëshorti i saj e masakroi pesë herë me thikë duke i marrë jetën.
Në një prononcim për mediat, fqinjët e çiftit Petrit dhe Valdete Manaj kanë theksuar se ato ishin njerëz të qetë dhe shumë të respektuar në lagje, ndërsa të përlotur thanë se ishin prekur shumë kur dëgjuan për lajmin në fjalë.
“Njerëz më të mirë nuk kemi, ne kështu i kemi njohur dhe na ka dhembur shpirti. Ne kemi 50 vjet këtu dhe i kemi njohur si njerëz shumë të mirë, nuk e dimë sesi erdhi kështu, o Zot. Nuk e dimë se pse ndodhi kjo gjë, njerëz shumë të mirë”, ka thënë një nga fqinjët.
Sipas banorëve ato ishin njerëz shumë të qetë dhe të mirë dhe është një fatkeqësi që u ndodhi familjes së tyre.
“Ato nuk kanë qenë njerëz të konflikteve dhe të sherreve, punonin burrë dhe grua dhe rrisnin fëmijët. Se çfarë kishin me njëri tjetrin nuk e di, por ajo ishte vajzë shumë e mirë dhe ai djalë shumë i urtë. Të dy kanë qenë të mirë sesi i kishin hallet e dinë vetë ata. Ndonjë gotë dhe mund ta pish por jo ashtu, ajo ishte e nderuar, ai ka mbajtur prindërit si zonjë”, thotë një tjetër.
Kujtojmë se ngjarja e rëndë ka ndodhur në fshatin “Sheq i Madh në Fier”, ku fillimisht u raportua si vetëvrasje dhe policia zbuloi se autori i vrasjes së Valdete Manaj, 50 vjeç ishte bashkëshorti i saj Petriti, i cili pranoi kauzat para togave blu.
Discussion about this post