Presidentja e Kosovës, Vjosa Osmani ka reaguar për ndarjen nga jeta të ish-presidentit Bujar Nishani. Osmani në reagim shkruan se Bujar Nishani, ishte model i atdhetarit të pashoq dhe që përkrahu Kosovën. Ndër të tjera, presidentja Osmani thekson se Nishani ia kushtoi një jetë të tërë Shqipërisë dhe shqiptarëve, duke qenë shembull i një politikani racional dhe me integritet.
“Presidenti Bujar Nishani ishte model i atdhetarit të pashoq, i cili përfaqësoi Shqipërinë me dinjitet të lartë dhe përkrahu Kosovën parreshtur, deri në frymën e fundit. Ai një jetë të tërë ia kushtoi Shqipërisë dhe shqiptarëve, duke qenë shembull i politikanit racional e me integritet.
Në emër të qytetarëve të Republikës së Kosovës, i shpreh ngushëllime familjes Nishani si dhe miqve e bashkëpunëtorëve! Shpirti i Presidentit Nishani pushoftë në paqe!”-shkruan Osmani.
Discussion about this post