Një 30-vjeçar është arrestuar nga policia pasi mbrëmjen e djeshme, në lagjen Gur, Këlcyrë, duke udhëtuar me “Opel”, përplasi të miturin dhe u largua nga vendi i ngjarjes.
Menjëherë pas marrjes së njoftimit, shërbimet e Policisë janë vënë në ndjekje të drejtuesit të mjetit dhe pas pak orësh kanë bërë të mundur kapjen dhe arrestimin e tij.
Gjithashtu, policia ka arrestuar edhe personin e identifikuar me iniciale K. J. (vëllai i drejtuesit të mjetit), si dhe u procedua nëna e tyre, e identifikuar si A. J., për veprën penale “Kundërshtim i punonjësit të policisë së rendit publik”, pasi kanë penguar dhe kundërshtuar punonjësit e Policisë, gjatë kryerjes së detyrës.
Discussion about this post