Klubi i Milanit ka dorëzuar listën e lojtarëve të thirrur për fazën eliminatore të Ligës së Kampionëve, ku bie në sy mos-grumbullimi i sulmuesit me përvojë Zlatan Ibrahimovic.
Sulmuesi suedez ka pasur probleme me dëmtimet që nga fillimi i sezonit dhe pritej që të ishte gati në fillim të janarit. Megjithatë, kjo nuk është e vërtetë dhe Ibrahimovic mësoi një lajm të keq këtë mëngjes.
Trajneri Stefan Pioli ka shpjeguar me fjalë se i duhen lojtarë që kanë minuta dhe që mund të garantojnë maksimumin në fushë, gjë që për momentin Ibrahimovic nuk mund t’ia japë.
Zlatan i është rikthyer stërvitjes, po punon individualisht në kampin stërvitor të Milanit dhe së shpejti pritet të nisë stërvitjen në grup. Megjithatë, ai nuk do të luajë në Champions League.
Pioli la jashtë skuadrës edhe anësorin Sergino Dest, ndërsa në pozicionin e tij u përfshi Malick Thiaw.
Megjithatë, ajo që i shqetëson më shumë tifozët e Milanit është pozicioni i portierit. Ndërsa i madhi Mike Maignan, është i dëmtuar, portierët Ciprian Tatarusanu dhe Antonio Mirante nuk ushqejnë asnjë besim te tifozët.
Discussion about this post