Zlatan Ibrahimoviç shquhet për karakterin e tij të fortë, i drejtëpërdrejtë dhe një futbollist që ka arritur gjithçka në karrierë. Së fundmi, suedezi është prononcuar në lidhje me karrierën e tij brilante.
“Uroj të mbetet diçka pasi do të thotë se kam bërë mirë punë time. Ndoshta mbeten idetë e mia. U them të gjithëve të besojnë tek idetë e tyre, të kenë personalitet, të mos mbyllin gojën e të mbajnë shpirtin e hapur.
Djema, me kë më ngatërroni? Nuk jam djalë plazhesh që kalon ditën duke bërë muskuj. Unë punoj në palestër, në fushë, ushqehem si duhet, pushoj shumë, por edhe mundohem të përshtat lojën me ato që janë sot cilësitë e mia.
Gjatë karrierës gjërat janë të programuara me orar. Kur do të zgjohesh, kur do të hash, kur do të punosh. Shumë punë t’i kryejnë të tjerët, ndërkohë që je në stërvitje. Kur kthehesh, ha përsëri, pushon e kalon kohë me familjen. Vite të tëra dhe e njëjta jetë. 25 në rastin tim. Kur të vendos tërheqjen, do të nevojitet që të dal jashtë programit. Nuk e di si do të sillem, por i druhem pak. Sidoqoftë, do ta mendoj më mirë kur të vijë momenti.
