Kapiteni i skuadrës së Dinamos, Agim Ibraimi ka theksuar se kryeqytetasit u treguan si luanë të vërtetë në derbi ndaj Partizanit ndërsa paralajmëroi se UEFA është duke monituar rreptësisht kampionatin.
“Goli, sigurisht që më gëzon, por do të isha i lumtur nëse ai gol do t’i jepte fitoren skuadrës në derbi. E them me plot gojën se jemi treguar luanë në fushë në pjesën e dytë, kur ishim me një lojtar më pak duke e përballuar kundërshtarin, që duhet vlerësuar gjithashtu sepse bën një futboll interesant.
Unë do të doja të them diçka, që nuk e kam thënë më parë. Ne duhet të jemi shumë të kujdesshëm në këtë kampionat, të kemi pak droje, sepse në Shqipëri do të luhet finalja e Ligës së Konferencës dhe jemi në mbikëqyrjen e atyre që drejtojnë futbollin europian.
E kam fjalën që të mos ketë probleme me tifozët, huliganizma si ato që pamë në ndeshjen me Laçin. Sa i takon gjykimit, unë nuk dua të flas, i respektoj të gjithë gjyqtarët, thjesht dua që ata të jenë sa më korrektë. Kam folur shpesh me arbitrat dhe kur u kam kërkuar për të parë ndonjë rast në VAR, më kanë thënë “jo, se vonojmë lojën”…
