Ish-anëtari i Këshillit Kombëtar, Ibsen Elezi, ka deklaruar ditën e sotme që, nëse Berisha mbledh Kuvendin me 11 dhjetor, Basha do të shkarkohet nga posti si drejtues i PD. Ai u shpreh gjatë një interviste televizive se, Berisha në kohën kur drejtonte PD i zbatonte parimet e demokracisë dhe askush nuk mund ta mohoj.
“Në 11 dhjetor do shkarkohet Lulzim Basha dhe do emërohet një përfaqësi për ta çuar PD në një proces zgjedhor normal, e ca do ndodh, me shumë gjasa Sali Berisha, fiton se ka shumicën e partisë. Unë mbështes frymën që në PD dhe në sistemin politik shqiptar duhet të vihen rregulla, të gjitha dokrrat që bëjmë ne pastaj do nxjerrin probleme. Parimet e demokracisë thonë që shumica përcaktohet nga një garë. Berisha në kohën e vet e respektonte në anën formale konceptin e garës dhe rezidencës, kurse këta e mohojnë”, tha ai.
Ndër të tjera, Elezi u shpreh se Berisha ka dhënë prova që do të jap zgjedhjen e duhur që PD të dalë nga kriza dhe ka të gjithë forcën që nevojitej. “Gara nga ana formale, konkurrenca është respektuar, por këta e kanë shkel sepse marrin vendime brenda strukture për të emëruar sekretarë e gjithçka tjetër. Kur e deformon pa e kuptuar njerëzit është problem më i thellë. Për këtë po lufton Berisha, pavarësisht se është në pozita të dobëta, prandaj njerëzit po e mbështesin. Njerëzit janë në kushtet që po kërkojnë vetëm një zgjidhje. Berisha? I vetmi që po e kërkon këtë. Berisha ka dhënë prova që ka forcë për ta ndërmarrë dhe për ta çuar këtë proces, pavarësisht se nuk ka kredon morale. Ai ka numrat, besueshmërinë e njerëzve”, tha Elezi, ndërsa u shpreh që pas 11 dhjetorit PD do të fillojë të ringrihet dhe do sheshohen përcarjet e krijuara deri më tani.
Discussion about this post