Raportohet se Mauro Icardi është i gatshëm të largohet nga PSG dhe ky fakt ka vënë menjëherë në lëvizje klubet më të mëdha, veçanërisht atë të Juventus.
Mësohet se ka patur kontakte të mëparshme mes agjentes dhe njëkohësisht bashkëshortes së lojtarit, Wanda Nara dhe trajnerit Allegri, i cili është shprehur në një intervistë duke thënë se: “Do të jetë kënaqësi të kemi Icardin pranë nesh.”
Megjithatë ajo që i ka hedhur më shumë benzinë “zjarrit” të kësaj çështje është vetë Wanda, me një postim shumë provokues në ‘Instagramin’ e saj personal.
Ditët e fundit ajo ndodhet në një udhëtim me Icardin në shtetin e Spanjës dhe detaji që ka rënë më shumë në sy janë fotot dhe videot me zebra.
Kaq ka mjaftuar që fansat të fillojnë të heqin paralelzima me transferimin e shumëpërfolur të Icardit te Juventus, pasi pikërisht ngjyrat e zebrës simbolizojnë këtë klub dhe duket se fjalën e fundit po e thotë pikërisht bashkëshortja e lojtarit.
Në këtë foto duket forma fantastike që modelja gëzon, por ajo çfarë ka rëndësi për futbollin është përshkrimi i kësaj fotoje, ku Wanda pozon e veshur me një bluzë me dizajn zebra dhe një gotë në dorë dhe shprehet: “ Më në fund një dolli për mua, por ajo që vjen vitin tjetër është e gjitha për ju”.
Kujtojmë që Icardi mbylli një sezon fantastik te PSG, me 13 gola, 6 assiste dhe 28 paraqitje me kampionët e Ligue 1./Gijotina.com
