Komisioni Qendror i Zgjedhjeve do të ritestojë sërish pajisjen e identifikimit biometrik pas problematikave që nxori në zgjedhjet e 25 Prillit. Kreu i KQZ, Ilirjan Celibashi, tha se në këto zgjedhje problematikat do të jenë zero.
“Është bazë e mirë për të menduar që në këto zgjedhje problemaktikat do të jenë thuajse zero” – u shpreh Celibashi.
Ditën e diel këto pajisje do te mundësojnë identifikimin e zgjedhësve në 941 qendrat e votimit e ngritura në 6 Bashki ku do te ketë zgjedhje të parakohshme. KQZ ka marre masat për te shmangur bllokimin e procesit.
Brenda dy orëve, KQZ do të realizojë zëvendësimin e pajisjes në rast se do dështojë suporti online i operatorit. Bashkia Vorë do të jetë e vetmja që krahas identifikimit do zbatohet edhe votimi dhe numërimi elektronik.
“Ndryshe nga 25 prillit do të kemi rezultatin paraprak sapo të mbyllen qendrat e votimit” – tha Celibashi.
Në 5 bashkitë e tjera rezultati parashikohet te dalë brenda 48 orësh.
Discussion about this post