Identifikohet viktima në Vlorë, Policia jep detajet nga ngjarja

Një person ka humbur jetën pas një konflikti fizik në qytetin e Vlorës.

Ngjarja ka ndodhur pranë Gjykatës së qytetit rreth orës 13:00 të ditës së sotme.

Viktima është identifikuar si Armando Memshani, 55 vjeç i cili ka humbur jetën pasi është goditur me grusht gjatë konfliktit.

Sipas burimeve, 55-vjeçari ishte ndërtues në qytetin e Vlorës.

Njoftimi i plotë i Policisë:

Vlorë/Informacion paraprak

Rreth orës 11:45, në lagjen “Hajro Çakërri”, në një qendër interneti, 2 shtetas janë konfliktuar me njëri-tjetrin dhe gjatë konfliktit shtetasi A. M., rreth 55 vjeç, për shkak të dhunës fizike (goditjeve me grushte), ka humbur jetën.

Shërbimet e Policisë kanë shkuar menjëherë në vendngjarje.

Nga veprimet e shpejta është bërë identifikimi i autorit dhe vijon puna për kapjen e tij.

Grupi hetimor ndodhet në vendngjarje dhe vijon punën për sqarimin e plotë të rrethanave të këtij rasti.